SAĞLAMLIQ

Alimlər şokoladı aqressiv məhsul hesab edirlər

Britaniya alimləri bu qida növünə digər tərəfdən baxırlar. British Journal of psychiatry jurnalında göstərilir ki, şokolad və aqressiya bir-biri ilə əlaqədardır. Kiçik yaşlarında mütəmadi  olaraq şokolad yemək insanda aqressivliyi  artırır. 1970-ci il təvəllüdlü (uşaqlıqda tez-tez şokolad yeyən) 17,5 min  insanın cəlb olunduğu tədqiqatın nəticələri göstərmişdir ki, onların əksər hissəsi böyük yaşlarında aqressivliyi ilə digərlərindən fərqlənirlər.

Tədqiqatlar zamanı  insanın xarakterinə təsir edən tərbiyə, təhsil, yaşadığı yer, mühit və  digər faktorlar da nəzərə alınır. Uşaqlara istənilən vaxt  konfet və şokolad verilməsi onları elə öyrədir ki, onlar istədiyini gözləyə bilmirlər. Müəyyən vaxtdan sonra bu məsələ həyat və sosial sahələrə də təsirini göstərir. Belə insanlar istədiyi ilə təmin olunmayanda özlərini çox aqressiv aparırlar. Lakin Britaniya qida və içki federasiyası ekspertləri isə bununla razılaşmırlar. Onların fikrincə, insanın sosial faktorları ilə davranışı  və qidası arasında heç bir əlaqə  yoxdur. Lakin 2007-ci ildə aparılan tədqiqatlar qidanın rənginin hətta uşağın psixikasına, həyəcanlı olub-olmamasına təsir göstərdiyini qeyd edirlər.

Hazırladı: S. Aytən